林作鍾培生百萬拳賽請梁榮忠旁述 似足《破壞之王》獨欠細龜黃一山

林作與「富三代」鍾培生將於本月18日在九龍灣國際展貿中心上演百萬拳賽，成為城中熱話。鍾培生日前在社交平台公開表示所有門票已經售罄，同時公布拳賽更多細節，如拳賽會由方力申與蔡宛珊擔任主持；表演嘉賓則有樂隊Kolor以及LMF；至於負責評述嘅除咗有無綫體育主持何振然與拳擊教練鄧子威，仲有另一驚喜梁榮忠，網民即聯想起《破壞之王》中的經典場面。

同場加映： 【專訪】聲夢傳奇│炎明熹與父母分開生活促獨立 「長時間冇見面感情總會爭少少」

{{hket:ul-video id="4121"}}{{/hket:ul-video}}

{{hket:inline-image name="20bb02b942125bfa77f78b4429a6b99f.jpg"}}{{/hket:inline-image}}

梁榮忠當年背住拍拖8年女友鍾麗淇偷食朱慧敏搞到星途盡毀，近年低調為港台主持節目及教戲。消息一出，大家的焦點都落喺梁榮忠身上，不過就唔係記得佢嘅負面新聞，而係諗起佢喺電影《破壞之王》中嘅生鬼演出。梁榮忠喺戲裡同黃一山為「外賣仔」周星馳同「大師兄」林國斌嘅拳賽擔任旁述，嗰一場戲講述大師兄遲遲未有出招與外賣仔對打，黃一山就找來《倚天屠龍記》及《金瓶梅》畀梁榮忠執生作評述，場面非常搞笑。

有網民引述梁榮忠戲中台詞，期待「林鍾一戰」會將當年《破壞之王》嘅經典場面重現「鍾培生嬌喘一聲倒在林作嘅懷裡」嘅情節；亦有人提到劇中另一名旁述演員黃一山沒有現身，實在係美中不足，感嘆「點解冇細龜」、「可唔可以請埋黃一山」，不過黃一山長年於國內生活，相信唔會現身喇！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】